مختلفې ليکنې
تعذيت
د روژې ٢١ نېټه د مذهبي دهشتګردو په لاس د مسلمانانو د يو راشد خليفه او اميرالمومنين د شهادت د کليزې په مناسبت د نړۍ ټولو مسلمانانو او مظلومو، پتياليو، ننګياليو او ازادي، خپلواکي، عدل، انصاف او امن و امان غوښتونکو انسانانو ته تعذيت او تسليت وړاندې کوو. ( د مينې اداره )
د مور پۍ
د مور پۍ (شودۀ ) د ماشوم لپاره غوره او مکمل خوراک دے. او په مور باندې د ماشوم يو حق دے. مائېندو ته پکار دي چې خپلو بچو ته خپل پۍ ورکړي او يو غوره او صحتمن بچے معاشرې او ټولنې ته حواله کړي. ( ١ اګست د مور د پيو د نړيوالې ورځې په مناسبت )
اېټم بم او اېټمي انرجي
په اېټمي انرجي او اېټم بم کښې د زمکې او اسمان فرق دے. اېټم بم د دښمن په مقابل کښې يو دفاعي وسله نه بلکې د زمکې په سر د ټولو جاندارو او ذي روحو څيزونو د تباهۍ سامان دے. اسلام د صلحې او امن دين دے او له خپلې دفاع نه علاوه په هيڅ دښمن باندې حملې او د بې ګناه انسانانو د تباهۍ اجازت نه ورکوي. د نړۍ ټول هغه هېوادونه چې اېټم بمونه او اېټمي وسلې لري پکار دي راغونډ شي او د هر ذي روح د تباهۍله دې سامان څخه د نړۍ د پاکولو او اېټمي انرجي د سوله ايزو چارو لپاره او د خپلو ولسونو د ترقۍ او خېر ښيګړې لپاره د استعمالولو لوظ او ژمنه وکړي.
( د ګست ٦ نېټه په هېروشيما باندې د امريکې د اېټمي حملې د کليزې په مناسبت چې پکښې لکونه انسانان، حېوانات او بباتات تباه شول )
د تمدنونو خبرې اترې
د پښتو متل دے چې (( خبرې په خبرو ختميږي )) جنګونه، جګړې او مرګ ژوبلې د انسانانو کار نۀ دے او نۀ په دې سره مسئلې اواريږي. ټولوهېوادونو، قامونو ، ملتونو، مذهبونو، ګوندونو، حزبونو او ډلو ته پکار دي چې په خپلو مېنځو کښې اختلافات په جنګونو او جګړو نه بلکې په خپلو کښې د خبرو اترو او تعميري بحث او مباحثو په ذريعې سره ختم کړي. او نړۍ د مينې، ارامښت او اطمينان يوه ځانګو جوړه کړي.
(٢١ ستمبر د تمدنونو د خبرو اترو نړيواله ورځ )
روغه جوړه له چا سره؟
د صلحې او روغې جوړې خبرې د برابرۍ په خپلو مېنځو کښې د اختلافاتو په بنياد کيږي. له صهيونېسټي اسرائيلي غاصب رژيم سره د روغې جوړې خبرې له ظالم سره د مظلوم، له لېوۀ سره د ګډو، له غلو سره د کور د خاوندانو او د جائېداد له قبضه کوونکي سره د مالک د خبرو اترو په شان دي. صهيونېسټانو د امريکې او د هغې د استکباري انډيوالانو په ملاتړ د فلسطينيانو په هېواد باندې قبضه کړې ده او هر ورځ د هغوي قتل عام کوي، د هغوي ښځې ماشومان، بوډاګان، زلميان او ځوانان په خاورو او وينو کښې لوغړوي او يا يې نيسي او په جېلونو کښې يې اچوي د هغوي له ناموسونو سره لوبې کوي، د هغوي پټي ويجاړوي او دغه غاصب او ظالم رژيم هره ورځ ټول نړيوال او بشري قوانين تر پښتو لاندې کوي نو پکار دي چې له داسې ظالم او غاصب سره د هغۀ په ژبه خبرې اترې وشي او هغه د ظلم ، زور غصب په وړاندې مقاومت دے نه د هغۀ په وړاندې سر اېښودل دي. ( د روژې وروستۍ جمعه د بېت القمدس د نړيوالې ورځې په مناسبت )
هولو کاسټ؟
( باران په تيراه وشو او خرۀ يې د اکبرپورې يوړۀ )
د يهودو هولو کاسټ يوه مشکوکه موضوع ده او د دې د څېړلو لپاره پکار دي له دې مسئلې سره د اړوندو غېر جانېدارو ماهرينو يوه نړيواله کمېټي جوړه شي که دا موضوع د نړۍ د خلقو د غولولو او د خپلو ګټو د حاصلولو لپاره د اسرائيلو يوه په دروغه ډرامه وي نو پکار دي چې په ډاګه شي او لاس ترې واخېستې شي او کۀ څه حقيقت ولري نو د دغه هولو کاسټ ذمه واران او عاملان يورپيان دي او پکار دي هغوي يې قيمت ادا کړي او په خپلو سيمو کښې يهود و ته ځاے ورکړي نه چې د هولو کاسټ د قيمت وصولولو لپاره د فلسطين خاوره او او د فلسطين مظلوم ولس قرباني وګرځي. ( د ښاغلي ډاکټر احمدي نژاد له وېناؤ څخه ))
فُزْتُ بِرَبِّ الْکَعْبه
(( د کعبې په رب مې دې قسم وي چې زۀ کامياب شوم ))
(د ګوزار خوړو په وخت د امام علي (ع) غږ )
وائي مرتضی چې محافظ دې خپل اجل دے
ما ته راز د ژوند ښۀ معلوم شوے مکمل دے
واخله دا ثبوت ابن ملجم چې پرې حمله کړه
څه په جوش او مينه مرتضی داسې نعره کړه
وې چې د کعبې په رب قسم چې زۀ کامياب شوم
سيند کښې د انوارو سر تر پايه زۀ غرقاب شوم
جار شم له يقينه چې د ژوند راز ورته حل کا
دا د مرګ په خونه کښې چراغ د سکون بل کا
( حمزه بابا )
د روژې سپېڅلې مياشت ټولو مسلمانانو ته مبارک شه
(( روژه ونيسئ او صحتمن شئ )) ( رسول اکرم (ص)
وړوکے نېکمرغه اختر مو مبارک شه
(( د مومن لپاره هره هغه ورځ اختر دے چې په کومه ورځ دې ګناه ونۀ کړي . )) ( امام علي (ع)
+ :ليکل شوے له طرفه د مينې مجلې اداره ورځ
88/05/01 او وخت
5:40 |
